Mar 22, 2006

விற்பனைக்கு - கிட்னிகள், இந்திய கிராமங்கள்

"Kidney Sale Centre," proclaims a banner sprawled across a ramshackle bamboo tent at Shingnapur village in Amravati district of Maharashtra. The farmers here are threatening to sell their kidneys. "We have invited the Prime Minister and the President to inaugurate this kidney shop. They should allow us to sell our kidneys."
இந்திய கிராமங்களின் கதைகளைப் பார்த்தால் பயமாக இருக்கிறது. மேலே சொன்ன விஷயம் மஹாராஷ்டிரா மாநிலத்தில் இருக்கும் ஒரு கிராமத்தின் நிலை. மஹாராஷ்டிராவில் ஷிங்காபூர், டோர்லி, லெஹேகான் மற்றும் ஷிவானி ரசுல்பூர் என்கிற நான்கு கிராமங்கள் பகிரங்கமாக தங்கள் கிராமங்களை விற்க முன்வந்திருக்கிறார்கள். பிற விவசாயிகள் தங்கள் கிட்னிகளை விற்க முடிவு செய்திருக்கிறார்கள். ஜூன் 2005லிருந்து இன்று வரை கடன் தொல்லை தாங்காமல் 309 விவசாயிகள் தற்கொலை செய்துக் கொண்டிருக்கிறார்கள். இந்திய அரசின் பஞ்சு கொள்முதல் விலையில் ஏற்பட்ட மாறுதல்களும், உலக சந்தையில் ஏற்பட்ட சரிவாலும் இந்த நிலை.

மகாகனம் பொருந்திய ஸ்ரீஸ்ரீ புஷ் கோமகனார் வந்து, விவசாயம் மற்றும் பிற துறைகளுக்கு "இணைந்து பணியாற்றும்" [Indo-US Knowledge Initiative in Agriculture - KIA] ஒப்பந்தத்தினை நிறைவேற்றி, H1B விசா கனவுகளுக்கு தாற்காலிக ஒத்தி வைத்தல் போட்டு போயிருக்கிறார். ஆனால், இந்தியாவின் விவசாயிகள் இதனால் உண்மையிலேயே பயனடைவார்களா என்றால், பதில் கிடையாது. அந்த ஒப்பந்தத்தினை முன்னின்று நடத்தியவர்கள் வால்-மார்ட், மான்சான்டோ போன்ற பன்னாட்டு நிறுவனங்களின் பிரதிநிதிகள். நிலைமை இப்படியிருக்க, வல்லரசு கனவுகளோடு நாம் பங்களாதேஷோடு இணைந்து "தீவிரவாதத்தினை எதிர்த்து போராடுவோம்" என்று அமெரிக்க பாணியில் பேச ஆரம்பித்திருக்கிறோம்.

ஒரு பக்கம் சென்செக்ஸ் 11,000 யிரத்தினை தாண்டி ஒடிக் கொண்டிருக்கிறது. இந்தியாவின் எப்.டி.ஐ வரவுகள் பில்லியன் டாலர்களில் அதிகரிக்கின்றன. புதிது புதிதாக கட்டிடங்களும், மால்களும் வந்து கொண்டிருக்கின்றன. பொருளாதார சீரமைப்பிற்கு முந்திய இந்தியாவிலாவது மோசமும், மிக மோசமுமான இரண்டு இந்தியாக்கள் இருந்தன. கடந்த 15 ஆண்டுகளில் ஏற்பட்ட மாற்றங்கள், பெயரளவில் இந்திய கிராமங்களை முன்னேற் வைத்திருப்பதாக சொல்லியிருந்தாலும், நிதர்சனம் முகத்தில் பளீரென்று அறைகிறது. இப்போதும் இரண்டு இந்தியாக்கள் இருக்கின்றன. ஒரளவு நல்ல வசதிகளும், இன்னமும் மாறாமல் மிக மோசமான பின்தங்கிய நிலையில் இருக்கும் இன்னொரு இந்தியாவும் இந்தியாவினுள் இருக்கின்றன. போன வார சி.என்.என் ஐ.பி.என் னில் Red Corridor என்றொரு நிகழ்வினை சொல்லியிருந்தார்கள். எப்படி இந்திய கிராமங்களும், வட கிழக்கு மாநிலங்களும் மெதுவாக, ஆனால் உறுதியாக மாவோயிஸ்டுகளிடத்திலும், ஆயுதம் தாங்கிய போராளிகளிடத்திலும் நகர்ந்துக் கொண்டு இருக்கிறது என்பதை சொன்ன நிகழ்ச்சி. ஒரு மிகப் பெரிய பிளவிற்கு நாம் தயாராகி வருகிறோம் என்பது மட்டும் தெளிவாக தெரிகிறது.


Comments:
arunthathi rai's "Kuralipisasin Maru avatharam" explains lots of things about this...
 
Post a Comment

Subscribe to Post Comments [Atom]



Links to this post:

Create a Link



<< Home

This page is powered by Blogger. Isn't yours?

Subscribe to Posts [Atom]