Apr 24, 2008

[திரைப்படம்] மீண்டும் மருதநாயகம் [தசாவதாரம் அல்ல]

மருதநாயகம் பற்றி முன்பு எழுதியிருப்பேன். கிட்டத்திட்ட 28 மாதங்கள் ஒடிவிட்டன. இன்றைக்கு தான் இதுவரை வெளிவராத ஒரு மருதநாயகம் ட்ரைய்லர் பார்க்க கிடைத்தது. சும்மா சொல்லக்கூடாது ஆறு வருடங்களுக்கு முன்பு ஒருவன் இவ்வளவு கஷ்டப்பட்டிருக்கிறான் என்பது சாதாரண விஷயமில்லை. தசாவதார படபடப்புகள் அடங்குவதற்குள், கமல், அடுத்த படமான "மர்மயோகி" ஆரம்பித்து விட்டார். டிஸ்னியோடு அமர்க்களமாக 120 கோடி ரூபாய் பட்ஜெட் என்று சொல்கிறார்கள். கமலுக்கு மீண்டும் கடிதம் எழுதலாமா என்று யோசித்துக் கொண்டிருக்கிறேன். தயவு செய்து மற்றவற்றினை ஒரம் கட்டி விட்டு, மருதநாயகம் பற்றி மீண்டும் சிந்தியுங்கள். உங்களுக்கான திறனையும், திறமைகளையும் தெரிந்தவர்கள் நாங்கள். ரசிகனின் மனசாட்சி என்றைக்கும் தப்பு செய்யாது.



இந்த ஒரு படம் சரியாக செய்தால் போதும். இது வேறெதோ தளத்திற்கு தமிழ்சினிமாவினை கொண்டு சொல்லும். சில ட்ரைய்லர்கள் பார்க்கும்போதே மனம் கணக்கு போடும், இது வேறு மாதிரியான படம் என்று [என்னளவில், அப்படி சரியாக கணித்தது "காதல் கொண்டேன்", "சென்னை 600028", "சித்திரம் பேசுதடி"]சிவாஜி 100 கோடி ரூபாய் வசூலித்திருக்கிறது, சில பல்கலைக்கழகங்களில் "விருமாண்டி" பாடமாக வைக்கப்பட்டிருக்கிறது. ஆக, மருதநாயகம் தப்பு பண்ணாது.

Labels: , , ,


Apr 18, 2008

கொத்து பரோட்டா - April Edition

டைம்ஸ் ஆப் இந்தியா - சென்னை பதிப்பு

ஆக கடைசியாக டைம்ஸும் சென்னைக்கு வந்து விட்டது. சந்தா கட்டியிருந்ததால் [ஒரு ப்ளாஸ்க் இலவசம் + நிறைய தாள்கள் வரும், எடைக்கு போட்டால் நிறைய தேரும்] 14ஆம் தேதியிலிருந்து வீட்டு வாசலில் விழுகிறது. ஐந்து நாட்களாக படித்து வருகிறேன். பெருசாக ஒன்றுமில்லை. ஆனாலும் சில விஷயங்கள் புரியவில்லை. ஏன் விடுதலைப்புலிகள் பற்றிய செய்தியாக சரியாக மூன்று அல்லது நான்காம் பக்கம் வருகிறது ? விஷுக்கு எதற்கு தேவையில்லாமல், சென்னையின் மக்கள்தொகையில், தமிழர்கள் தவிர்த்து மற்ற மாநிலத்தவர்கள் எவ்வளவு பேர் இருக்கிறார்கள் என்கிற புள்ளிவிவரம் (இருக்கற பிரச்சனை போறாதா - கன்னடியர்கள் குறைவாக இருக்கிறார்கள் என்கிற கவலை வேறு) ? இன்றைக்கு ஜேப்பியார் எவ்வளவு சொத்து வைத்திருக்கிறார் என்கிற விவரம் வேறு. இந்த நாளிதழ் யாருக்காக ? சென்னையிலிருக்கும் தமிழனுக்காகவா இல்லை சென்னையிலிருக்கும் மற்றவர்களுக்காகவா ?

சென்னை டைம்ஸ் என்று வரும் துணையிதழில் பேசப்படும் பார்ட்டிகள் எங்கு நடக்கின்றன ? அங்கு கலந்து கொள்பவர்கள் எவரும் தமிழராக எனக்கு தெரியவில்லை ? அப்புறம் எதற்கு அந்த சங்காத்தம் படிப்பவனுக்கு எதற்கு ? எதற்காக ஹாலிவுட், பாலிவுட் பற்றிய் மேலதிக விவரங்கள் அப்புறம் என்ன மயிருக்கு அது சென்னை டைம்ஸ் ?

மொத்தத்தில் டைம்ஸ் ஆப் இந்தியா - சென்னை பதிப்பு, நல்ல தாளில் வரும் டெக்கான் க்ரானிகள், ஒரு வித்தியாசமும் இல்லை.

தமிழ் போர்னோ காமிக்ஸ்

எராட்டிகா, போர்னோ பற்றி சுஜாதா 25 வருஷத்துக்கு முன்னாடி எழுதியிருப்பார். சாரு நிவேதிதாவின் கட்டுரையில் இது கோடிட்டு காட்டப்பட்டு இருக்கும். அதற்கு பின் தமிழ்நாட்டின் முக்கியமான எராட்டிகா சமாச்சாரம், சரோஜாதேவி கதைகள். எண்பதுகளில் சாலையின் ஒரத்தில் பழைய புத்தகங்கள் விற்பவர்கள் முன் கொஞ்ச நேரம் தலை சொறிந்து நின்றால், ஒரங்கட்டி, மருதம், குஜிலி, மோகினி, பருவம் போன்ற மட்டமான மூன்றாம் தர பிரிண்ட்களும், பழைய டெபோனர் பத்திரிக்கைகளும் கிடைக்கும். அதுவும், மொத்தமாக வாங்க முடியாது. மூன்று நாட்கள் வாடகை ஐந்து ரூபாயோ, பத்து ரூபாயோ இருக்கும். இன்றைக்கும், வடபழனி ஆதித்யா ஒட்டலின் நடைபாதையில் இரண்டு பேர் பாட்டு புத்தகங்களோடு [நான் பாட்டு புத்தகங்கள் வாங்கிய போது அதன் விலை 15 பைசா, பின் உயர்ந்து 50 பைசா வரை வாங்கியிருக்கிறேன், சாணித்தாள் 3 பக்க ஸ்டேப்லர் அடித்து புத்தகம் என்று சொல்லி விற்பார்கள்] "பலான" புத்தகங்கள் விற்பார்கள். இணையம் சல்லிசாக கிடைத்தவுடன் எல்லோரும் டெபோனர் ப்ளாகும், இண்டியா செக்ஸ் ஸ்டோரிஸ்யும் படிக்க போய்விட்டார்கள். புகைப்படம் மற்றும் அனிமேஷன் ரீதியிலான ஹென்டேய் என்றழைக்கப்படும் போர்னோ காமிக்ஸ்கள் ஜப்பானில் படு பிரபலம். ஹென்டேய் பல பில்லியன் டாலர் வருமானம் தரக்கூடிய வியாபாரம். யு போர்ன் மாதிரியான தளங்களை கொஞ்சம் அலசினால் தெரியும், எந்தளவிற்கு ஜப்பானியர்கள் "பலான" மேட்டர்களுக்காக சுற்றிக் கொண்டிருக்கிறார்கள் என்று. அந்த மாதிரியான முயற்சிகள் இந்தியாவில் இல்லை என்று தான் ரொம்ப நாட்களாக நினைத்திருந்தேன். ஆனால், அமித் வர்மா வழியாக அதற்கும் முற்றுப்புள்ளி வைத்தாகிவிட்டது. கிட்டத்திட்ட ஆறு மொழிகளில் தினம் ஒரு ஸ்ட்ரிப்பாக ஒரு போர்னோ காமிக்ஸ் வந்து கொண்டிருக்கிறது. சவிதாபாபி என்று பெயரிடப்பட்டுள்ள அந்த தளம் ஒரு interesting-ஆன முயற்சி. உடனே, நாராயணன், ஒரங்கட்டி உலகின் எல்லா போர்னோ தளங்களையும் பார்த்து கொண்டிருக்கும் ஒரு போர்னோமேனியா என்று டாக்டர். ரெட்டிக்கோ, டாக்டர். ஷாலினிக்கோ லிங்க் தராதீர்கள். எல்லா விஷயங்களைப் போலவே இதுவும் ஒரு விஷயம் அவ்வளவே.

பார்க்க - சவிதாபாபி [NSFW - Not Safe For Work]

உணவுப்பொருள். உலகம். உள்ளிருக்கும் பயங்கரம்.

இந்தியா சமச்சீரின்மை பற்றி [1,2,3,4,5,6,7,8 ] எழுதிக் கொண்டிருந்த போது முக்கியமாக பேசிய விஷயம், இந்தியாவின் உணவுப் பொருள் பற்றிய பிரச்சனைகள் [

இந்த வாரத்திய எகானமிஸ்ட் சொல்வதைப் பார்த்தால் தலை சுற்றுகிறது.
Famine traditionally means mass starvation. The measures of today's crisis are misery and malnutrition. The middle classes in poor countries are giving up health care and cutting out meat so they can eat three meals a day. The middling poor, those on $2 a day, are pulling children from school and cutting back on vegetables so they can still afford rice. Those on $1 a day are cutting back on meat, vegetables and one or two meals, so they can afford one bowl. The desperate—those on 50 cents a day—face disaster.

Roughly a billion people live on $1 a day. If, on a conservative estimate, the cost of their food rises 20% (and in some places, it has risen a lot more), 100m people could be forced back to this level, the common measure of absolute poverty. In some countries, that would undo all the gains in poverty reduction they have made during the past decade of growth. Because food markets are in turmoil, civil strife is growing; and because trade and openness itself could be undermined, the food crisis of 2008 may become a challenge to globalisation.

சென்னையில் இதன் அறிகுறிகள் தெளிவாக தெரிகின்றன. ஒரு ஹோட்டலுக்கு இருவர் போய் சாப்பிட்டு வந்தால் ரூ.100 ஆகிறது. என் வீட்டில் வாங்கும் ஒரு வார காய்கறிகள் [4 நபர்களுக்கு] ரு.100 லிருந்து மெதுவாய் உயர்ந்து இப்போது ரூ. 175க்கு வந்திருக்கிறது. ஆக, கடந்த ஆறு மாத காலக்கட்டத்தில் என் வீட்டின் காய்கறி கொள்முதல் 42% உயர்ந்திருக்கிறது. இத்தனைக்கும் கொள்ளவில் பெரிதாய் மாற்றங்கள் இல்லை. ஆக, இது ஒரு பெரும் பிரச்சனை. பண வீக்கம் உயர்ந்து வரும் இக்காலக்கட்டங்களில் உணவுப்பொருள் விலையுயர்வு என்பதை கட்டுப்படுத்தாவிட்டால், உணவுக்காக இந்தியாவிலும் பெரும் போராட்டங்கள் வெடிக்கும் நிலை கூடிய விரைவில் வரும்.

பார்க்க. எகனாமிஸ்ட் - மறைமுக ட்சுனாமி

இந்திய கலாச்சாரம் = ஒரு இணைய இணைப்பு + இன்றைய இந்தியா

கொஞ்சமே கொஞ்சம் இடுப்புக்கு கீழே காமிரா போனால், கலாச்சார காவலர்கள், வி.எச்.பி. ஆர்.எஸ்.எஸ் வகையறா வகையறா, அதற்காக தியேட்டரை முற்றுகையிடுதல், போஸ்டர் தீயிடல், நாயகி / இயக்குநர் வீட்டில் கல்லெறிதல் துவங்கி எல்லா வன்முறை செயல்களையும் "கலாச்சாரதை நிறுவதற்காக" என்கிற பெயரில் செய்து கொண்டிருக்கிறார்கள். ஆனால், அவர்கள் இணையத்தில் நிறைய விஷயங்கள் படிப்பதில்லை போலிருக்கிறது.

sss asked, I have asked this Question Several Times, but you are not Replying me, please Reply me at least this time. It's a Serious Issue. I'm in love with my own Sister. She is also in Love with me. We had Sex also, whenever we got a chance in home. Now my problem is how we tell this to our parents and ask them to arrange for our marriage?

Love Guru answers, Okay, you have landed yourself in quite a mess, my friend. I don't know what your age is but I do hope that both you and your sister are young enough to grow out of this phase. Sometimes during puberty it is possible to be attracted physically to a sibling, but you shouldn't be pursuing it under any circumstances. Incest is not only socially unacceptable, but downright unhealthy. If things got to the point of her getting pregnant, the child would also have a significantly higher risk of being born retarded. I would suggest that you and your sister don't take this any further. Love each other the way brother and sister should and support each other, but look for sexual partners outside of your family.

Abbas asked, I am in a no strings attached relationship for the past year. both of us were clear and open about this from the beginning.I developed feelings for her.i also came to know she is in love with another guy who has made it clear he is not going to marry her.yet she pines for him.I want to take this thing forward if possible but not rush in blindly. my Question is if she can sleep with me and be in love with someone else, how do i trust her if we enter into a formal relationship. she is reticent abt her past. i have no issues with that but her secretive nature is troubling at times. She is good to be with and a warm person.what do i do?

Love Guru answers, Abbas, you can't be in a physical relationship with someone you're not attracted to at all -- and this girl is no exception. She may be in love with that guy, but it's obvious she is attracted to you too. Tell her how you feel. Say that you are willing to accept her as she is and whatever happened in her past doesn't matter to you. As for trust, that will only develop as your relationship progresses.

பாலியல் ரீதியான விஷயங்கள் என்பவை தனிப்பட்ட நபர்கள் சம்பந்தப்பட்ட விஷயங்கள். ராமாயண / மஹாபாரத காலத்திலிருந்தே இம்மாதிரியான விஷயங்கள் எல்லா காலக்கட்டங்களிலும் நடந்து கொண்டிருக்கின்றன. இதை நான் ஆதரிக்கிறேனா / எதிர்க்கிறேனா என்பதல்ல பிரச்சனை. அவரவர் வாழ்வு அவர்வர் பிரச்சனை, அவ்வளவே.

பார்க்க: ரிட்டிப் - my girlfriend is bisexual

சமீபத்தில் ரசித்து படித்தது

Labels: , , , ,


Apr 9, 2008

[சமூகம்] சத்யராஜ் பேச்சும், சில பார்வைகளும்

ஆடி அடங்கிய ஒகேனக்கல் கூச்சலில் எல்லோரும் பேசியது, பேச முற்பட்டது சத்யராஜ் பேசியதை ஒட்டியே. முக்கியமாக முன்வைக்கப்பட்டவைகள் கீழே

உண்ணாவிரத்தில் சத்யராஜ் பேசுகையில், இங்கு யாருடைய பெயரைச் (ரஜினி) சொன்னால் எனக்குக் கைத்தட்டல் கிடைக்குமோ, அந்தப் பெயரைச் சொல்வதை விட, நாக்கைப் பிடுங்கிக் கொண்டு சாவேன். கர்நாடகத்தில் தமிழனை கன்னடக்காரர்கள் தாக்கிக் கொண்டுள்ளனர். அதைப் பற்றி மட்டும்தான் இங்கு பேசுவேன்.

இதுவரை என்னை மனிதன் என்று சொல்லிக் கொள்ள ஆசைப்பட்டேன். ஆனால் இன்று முதல் என்னை தமிழன் என்று சொல்லிக் கொள்ள ஆசைப்படுகிறேன்.

அப்படியானால் தமிழன் மனிதன் இல்லையா என்ற சந்தேகம் வரும். தமிழன் மனிதன் இல்லை, வெறும் மரம் என்றுதான் அவர்கள் நினைத்துக் கொண்டிருக்கிறார்கள்.

மரமாக இருந்தால் என்ன நடக்கும்? நாய் வந்து ஒண்ணுக்கு அடிக்கும். பிறகு எவனாவது வந்து மரத்தை வெட்டி எடுத்துக் கொண்டு போய் கட்டில் செய்து கால் மேல் கால் போட்டு ஆட்டிக் கொண்டிருப்பான். டேபிள் செய்து அதில் உட்காருவான். மொத்தத்தில் அந்த மரத்திற்கு மரியாதையே இல்லாமல் போய் விடும். எனவே தமிழா, நீ மரமாக இருக்காதே, மனிதனாகவும் இருக்காதே, தமிழனாக இரு என்று சொல்கிறேன்.

காந்தி சொன்னார் கண்ணுக்கு கண் என்று ஆரம்பித்தால் உலகில் உள்ள 600 கோடி பேரும் குருடனாகத்தான் இருப்பார்கள். கடைசியில் உலகில் அத்தனை பேரும் குருடனாகி விடுவார்கள் என்றார். ஆனால் தமிழனுடைய கண்ணை 40 ஆண்டுகளுக்கு முன்பே பிடுங்க ஆரம்பித்து விட்டார்கள்.

முதலில் மகாராஷ்டிரத்தில் பால்தாக்கரே என்ற ஆள் பிடுங்கினார். பின்னர் மலேசியாவில் பிடுங்கினார்கள். ஈழத்தில் பிடுங்கினார்கள். இன்று கர்நாடகத்திலும் பிடுங்க ஆரம்பித்து விட்டார்கள்.

எனவே காந்தி சொல்வதை இன்று கடைப்பிடிப்பதாக இருந்தால் உலகில் உள்ள 10 கோடித் தமிழர்களும் குருடனாக இருப்பார்கள். மற்ற 690 கோடி பேரும் பார்வையுடன் திரிவார்கள். ஏற்கனவே தமிழன் சிந்தனைக் குருடனாக, கருத்துக் குருடனாக இருக்கிறான். கண்ணும் போய் விட்டால் மயிரு மாதிரிதான் இருக்கும் அவனது வாழ்க்கை.

40 வருடங்களுக்கு முன்பு எம்.ஜி.ஆர், தமிழக முதல்வராக இருந்தபோது, கர்நாடகத்தில் குண்டுராவ் முதல்வராக இருந்தார். அவர் எம்.ஜி.ஆரின் தீவிர ரசிகர். ஒருமுறை குண்டுராவ் வீட்டுக்கு எம்.ஜி.ஆர். போயிருந்தார். மட்டன், சிக்கன் என அனைத்தும் செய்து போட்டார்கள். எம்.ஜிஆரும் சாப்பிட்டார்.

ஆனால் அவர்கள் வைத்த தண்ணீரை மட்டும் குடிக்க மாட்டேன் என்று கூறி விட்டார். எனது மக்கள் தண்ணீர் இல்லாமல் தவிக்கிறார்கள். எனக்கு மட்டும் எதற்கு உங்கள் தண்ணீர் என்று கூறி விட்டார்.

சாய்குமார் என்று ஒரு நடிகர். உனக்குப் பிடித்த நடிகர் யார் என்று அவரிடம் கர்நாடகத்தில் கேட்டுள்ளனர். அதற்கு அவர் நடிகர் திலகம் சிவாஜி கணேசன் என்று கூறி விட்டார். அவ்வளவுதான் அவரை உதை உதை என்று உதைத்து ராஜ்குமார் என்று சொல் என்று கூறியுள்ளனர். இதற்குப் பெயர்தான் கன்னட வெறி.

நான் வீரப்பன் செய்த செயல்களை எல்லாம் கேள்விப்பட்டு முன்பு அவன் மீது கோபப்பட்டிருக்கிறேன், ஆவேசப்பட்டிருக்கிறேன். ஆனால் பல வீரப்பன்களை உருவாக்கும் நிலையை இப்போது உருவாக்கி விடாதீர்கள் என்று அவர்களை கேட்டுக் கொள்கிறேன்.

ஓகனேக்கல் கூட்டுக் குடிநீர் திட்டத்தால் தமிழகத்திற்கு லாபம் கிடைக்கும். ஆனால் கர்நாடகத்திற்கு ஒரு நஷ்டமும் கிடையாது.

சூப்பர் காமெடியன் வாட்டாள்:

அங்கு வாட்டாள் நாகராஜ் என்கிற ஒரு பெரிய காமெடியன் இருக்கிறார். நல்லவேளை அவர் சினிமாவுக்கு வரவில்லை. வந்திருந்தால் வடிவேலுவை எல்லாம் மிஞ்சியிருப்பார். அவர் சொல்கிறார் ஈரோடு, கிருஷ்ணகிரி, தர்மபுரி எல்லாம் கர்நாடகத்தோடு சேர வேண்டியதாம். விட்டால், மெட்ராஸ், பீச் எல்லாமும் எங்களுக்குத்தான் எல்லாம். நாம் என்ன வாயில் விரல் வைத்து கொண்டு போகனுமா.

என் பொண்டாட்டி கூட நான் படுக்குறேன் உனக்கு ஏண்டா வலிக்குது. உன் பொண்டாட்டி கூடவா படுகிறேன்.

நமக்கு சம்பந்தப்பட்ட ஒருவரே வாட்டாள்தான் எனக்குப் பிடித்த பேச்சாளர் என்று கூறியுள்ளார். என்னத்தைச் சொல்ல.

வந்தாரை வாழ வைக்கும் தமிழகம் என்று பேசிக் கொண்டிருக்காதீர்கள். அப்படியே பேசிக் கொண்டிருந்தால் நீ கேன.... ஆகி விடுவாய். வாலாட்டினால் ஒட்ட நறுக்கவும் தெரியணும். அவன்தான் தமிழன். குனிந்து கொண்டே இருந்தால் குதிரை ஏறிக் கொண்டுதான் இருப்பார்கள். குனியாதே, நிமிர்ந்து நில்.

தமிழனுக்கு எங்கிருந்தும் தண்ணீர் வரக் கூடாது என்கிறார்கள். பாலாறில் தண்ணீர் இல்லை. முல்லைப் பெரியாறில் தண்ணீர் இல்லை, சேது சமுத்திரத் திட்டத்தையும் எதிர்க்கிறார்கள்.

கடவுளுக்காக இனிமேல் வெளியில் போகாதீர்கள். தமிழ்க் கடவுள் முருகன் இருக்கிறான். அவனைக் கும்பிடுங்கள். மதுரை வீரனைக் கும்பிடுங்கள், சுடலை மாடனை கும்பிடுங்கள்.
( அப்ப இவர்கள் இந்த கடவுள் எல்லாம் இருக்கிறதா ? )

நமக்கு வடநாட்டு ராமனும் வேண்டாம், ராகவேந்திராவும் வேண்டாம் (ரஜினியை திரும்பிப் பார்த்தபடி), அய்யப்பனும் வேண்டாம்.

உலகில் தமிழன் எங்கு அடிபட்டாலும் நாம் குரல் கொடுக்க வேண்டும். ஈழத்தில் அடிபட்டாலும் குரல் கொடுக்க வேண்டும். அங்கு இருப்பவன் உனது சகோதரன், உனது சகோதரி. தமிழனை உலகில் எங்குமே நசுக்க முடியாது. அதை விட மாட்டோம். நீ குரல் கொடுக்கலை என்றால் நீ ஒரு முட்டாக்கூ....அவ்வளவுதான் என்றார் சத்யராஜ்.

( வைரமுத்து பேசும் போது, தந்தை பெரியாரே இங்கு சத்தியராஜ் உருவில் நேரில் வந்த மாதிரி இருக்கிறது என்றார். அதனால் இந்த படம் )
நன்றி: இட்லி வடை

நான் மேலே கொட்டை எழுத்துகளில் போட்டிருப்பது, இட்லிவடையில் மேற்கோள் காட்டப்பட்ட வாசகங்கள். பெரும்பாலான மக்களும், அவற்றினை தனியே எடுத்து பேசி இருக்கிறார்கள், மேற் சொன்ன "சாரார்"-களுக்கான சங்கடம் உண்டாக்கும் வார்த்தைகள் அவை.

முதலில், பெரியாருடைய பேச்சுக்களை கேசட் வாயிலாக பெரும்பாலானோர் கேட்டத்தில்லை. இதை விட உச்சப்பட்ட உணர்வு வேகத்தில் பேசியிருப்பார். "அப்ப அசிங்கமா பேசறவன் எல்லாம் பெரியார் ஆயிட முடியுமா" என்கிற முடிவுக்கு உடனடியாக போகாதீர்கள். தமிழ் சமூகத்தின் மொழி வழக்கு என்பது ஒரு சுவாரசியமான வரலாறு. காளிதாஸ், சிவகவி என ஆரம்பித்த புராண, இதிகாச தமிழ், கொஞ்சம் கொஞ்சமாய் மாற்றமடைந்தது எம்.ஜி.ஆர்-சிவாஜி காலத்தில். அங்கும், இலக்கணப் பிழையில்லாத தமிழும் அதனூடே வெகு ஜன தமிழும் ஆங்காங்கே தலை காட்டின. உதாரணத்துக்கு சேரி பாஷை என்று அழைக்கப்பட்ட சென்னை தமிழினை அப்போது நகைச்சுவை நாயகர்கள் [உ.ம் சந்திரபாபு, சோ ராமசாமி, பின்னாளில் தேங்காய் சீனிவாசன், சுருளிராஜன்] பேசி வந்தனர். "மூஞ்சில என் பீச்சாங்கைய வைக்க" என்பது ஒரு மாபெரும் அவச்சொல்லாக புரியப்பட்டது. இன்றைக்கு அவர்கள் பேசிய எதுவும் இழிசொல் இல்லை.

எம்.ஜி.ஆர்-சிவாஜி அலைகள் கொஞ்சம் தாழ்ந்த நேரத்தில் வந்த ஜெய்சங்கர், ரவிச்சந்திரன் கும்பல் படங்களிலும், 70களின் பிற்பாதியில் வந்த படங்களிலும், கிளைமேக்ஸில் மட்டுமே இலக்கணத்தமிழ் பேசப்பட்டது, மற்ற இடங்களில் வெகு ஜன தமிழ் உள்ளே வந்துவிட்டது. பின்னாளில் ஆரம்பித்த ரஜினி-கமல் வெகு ஜன படங்களில் இலக்கணத்தமிழ் சுத்தமாக வழக்கொழிந்து போய் 90களின் பிற்பாதியில் கவுண்டமணி - செந்தில், விவேக், சின்னி ஜெயந்த், இலக்கணத்தமிழில் பேசுவதையே நகைச்சுவையாக மாற்றி விட்டிருந்தார்கள். ஆக, சேரி பாஷை என்றழைக்கப்பட்ட தமிழ் வடிவம், center stage-க்கு வந்துவிட்டது.

நினைவு தப்பாமல் இருந்தால், மறைந்த சுஜாதாவும், கமலும் தான் [அல்லது பாலச்சந்தர்??!!] தான் திரையில் "தேவடியா பையா" என முதலில் சொன்னது என்று நினைக்கிறேன் [படம்: விக்ரம்] தேவடியா பையாவில் ஆரம்பித்த அவச்சொற்களின் இடைச்செருகல், இந்நாளைய தமிழ் சினிமாவில் ஒரு மாற்ற முடியாத அங்கம். ["த்தா நான் இருக்கும் போதே என் சித்தப்புவை செஞ்சிருவியா" - பருத்திவீரன், "த்தா சும்மா சும்மா அவுட் அவுட்ன்னு சுத்தினுக்கீறாரு, ஒர் நாளைக்கு பெருசா போட போறான் அப்ப தெரியும்" - பொல்லாதவன்] ஆக தமிழ் பேச்சு, மேடைப் பேச்சு என்பதும் அண்ணா பேசிய நடையிலிருந்து, இப்போது டி.ஆர் தாண்டி, எஸ்.ஜே.சூர்யா தமிழ் [ஆங்ங்... மேல பாக்கற, கீழ பாக்கற, சைடுல பாக்கற, ரோட்டை பாக்கற, டீவி பாக்க்ற ஆனா என் முகத்தை மட்டும் பாக்க மாட்டேங்கற ஏன்ன்ன்ன்ன்ன்ன்ன்ன்ன்ன்ன்ன்] வரை சொல் பொருள் ஒரே விஷயமாக இருந்தாலும், பேசும் மொழி வேறாக இருந்திருக்கிறது. சர்வ சாதாரணமாக, விஜய் டிவியின் லொள்ளு சபாவின் "இதுதாண்டா போலிஸ்" படத்தை நக்கலடிக்கையில், டோமர் பையா என்கிற வார்த்தை டீவி வரை சர்வசாதாரணமாக புழங்குகிறது. மிக சமீபத்தில் சிவாஜி படத்தில் சுமன், "நான் ஆதிடா" என்று கைது செய்யப்பட்ட பிறகு சொல்ல, ரஜினி, விவேக்கின் வாயினை பொத்திய பிறகு விவேக் சொல்லும் டயலாக் "கபோதின்னு சொல்ல வந்தேன்ப்பா". அந்த fill in the blanks-னை தியேட்டரின் முன் வரிசை கூட்டம் சர்வ சாதாரணமாக சொல்லும். இங்கே சென்னையில் தினமும் நான் "த்தா" சொல்லாமல் டூ வீலர் ஒட்டுவதில்லை.

ஆக, சத்யராஜ் பேசியதில் என்ன தவறிருக்கிறது என்று தெரியவில்லை. கேணைக் .... என்று pause விட்டதை, அவர் முழுவதுமாகவே சொல்லியிருந்தால் கூட ஒன்றும் பெரிதாக தவறாக எனக்கு தெரியவில்லை. அதனால், தமிழ்நாட்டில் ஒன்றும் யுகப்பிரளயங்கள் நடந்திருக்காது. இந்த அவ/இழிச்சொல் என்பது சிறு பத்திரிக்கை உலகில் சர்வ சாதாரணம். ஒரு சமூகப் பிரச்சனை முன் வைக்கப்பட்டிருக்கிறது, தமிழ்நாடே கொந்தளிக்கிறது, அவரவர்கள் அவர்வர்க்கு ஏற்றாற் போல் பங்காற்றி கொண்டு இருக்கிறார்கள். உங்களுடைய வீட்டில் உங்களுக்கும் உங்களுடைய சகோதரர்களுக்கும் ஏதோ பிரச்சனை, திடீரென நுழையும் பக்கத்து வீட்டு ஆள், இந்த வீடு அவருடையது என்று சொன்னால், உங்கள் வாயில் வரும் முதல் வார்த்தை என்ன. diplomatic talk எல்லாம் பேசாமல் மனதிலிருந்து சொல்லுங்கள் - என்னுடைய முதல் வார்த்தை - அடிங் ங்கோத்தா, எந்த நாய் பேசறது என்பது தான்.

ஆக, மொழியினை பிடித்து தொங்கி கொண்டிருப்பதில் எவ்விதமான பயனும் இல்லை. Fuck என்கிற வார்த்தையில்லாத ராப் பாடல்கள் கொஞ்சம் கஷ்டம். ஏனெனில் அவர்களைப் பொறுத்தவரை F வார்த்தை என்பது ஒரு விளிச்சொல், அவ்வளவே. அதேப் போலதான் இதுவும். இது தாண்டி, உணர்வுகளின் உச்சக்கட்டத்தில் இருக்கும் ஒருவன் அது வீதியாய் இருந்தாலும், படுக்கையாய் இருந்தாலும் கெட்ட வார்த்தைகள் வருவது மகா சகஜம். சத்யராஜ் பேசியதில் இருந்த உண்மையும், நேர்மையும் தான் முக்கியம். மற்றபடி சபை மரியாதை என்று இன்னமும் பிரிட்டிஷ் காலத்து சொல்லாடலினை பிடித்து தொங்கி கொண்டிருப்பதில் எவ்விதமான அர்த்தமும் இல்லை.

மற்றபடி, ராமகோபாலன், இட்லிவடை போன்றவர்கள் குறிப்பிட்டு காட்டும் கடவுள் இருக்கிறதா, இதை இவர் நம்புகிறாரா என்பதெல்லாம் வழக்கமான ............ குசும்பு. உண்மையான பெரியாரிஸ்ட் கடவுளை நம்புகிறவர்களையும் அவர்களின் உரிமைகளையும் கூட பேசுவான். பெரியாரின் வாழ்வில் இதற்கான உதாரணங்கள் பல இருக்கின்றன. இன்றைக்கும் தமிழகத்தில் பல்வேறு இடங்களில் தலித்துகளின் கோயில் நுழைவு போராட்டங்களில் திராவிட இயக்கம் பணியாற்றிக் கொண்டு தான் இருக்கும். இருக்க வேண்டும்.

மற்றபடி சத்யராஜ் பேசிய பேச்சில் எனக்கு தெரிந்த ஒரே பிழை. அவர் வாட்டாள் நாகராஜ் வடிவேலுவினை விட பெரிய காமெடியன் என்றார். வாட்டாளை விட பெரிய காமெடியன் தமிழ்நாட்டில் இருக்கிறார் அவர் பெயர் இயக்குநர் பாரதிராஜா. மேல் விவரங்களுக்கு இங்கே படியுங்கள்.

Labels: , , , , ,


This page is powered by Blogger. Isn't yours?

Subscribe to Posts [Atom]